رساله لصاحبى إعلانات القرى السياحيه ,,
ممكن تلموا فلوسكوا المترميه فى الإعلانات دى وتدفعوا بيها مصاريف أطفال فى المدراس أهاليهم مش لاقيين ياكلوا وبيتعذبوا كل يوم بسبب عدم دفع المصاريف ,, فى حين ان شوية عالم تافهه ( مش لامؤاخذه ) بيرموا فلوسهم فى إعلانات ملهاش أى تلاتين لازمه ولامين فيها خمسين ستين عيل وعيله ملهمش أهل أصلا بيرقصوا ويظهروا نفسهم ,, بس علشان يخلوا ناس تانيه تكفر وهى بتتفرج على أشكالهم ,,
من الأخر الشو الرخيص ال بتعملوه ده مش هو ال بيجيب ليكوا بنى أدمين فى القرف السياحى بتاعكوا ,, الناس بتجرب وتقول لبعضها ,, ودى الحاجه السايده فى مصر ,, وفى الغالب محدش من ال بيروحوا القرى دى بيتفرج على الإعلان من الأساس ,,
يا تعمل حاجه عدله ,, يا تغور فى ستين داهيه ,, كده كده السيئات ال بناخدها عمال على بطال مش ناقصاكوا ,,,
وصلت ؟!
#آيه_هلال
ليست هناك تعليقات:
إرسال تعليق